टिकटमा देखिएको समस्या समाधान गर्न निगमले थाल्यो तयारी

विविध

गृहपृष्ठ
विविध
टिकटमा देखिएको समस्या समाधान गर्न निगमले थाल्यो तयारी

टिकटमा देखिएको समस्या समाधान गर्न निगमले थाल्यो तयारी

बिहीबार, माघ १२, २०७९ एभरेष्ट पेडिया

काठमाडौं । नेपाल वायु सेवा निगमको टिकट बिक्री प्रणालीमा देखिएको समस्या समाधान गर्न निगमले तयारी थालेको छ ।

निगमको टिकट प्रणालीलाई थप प्रभावकारी बनाउन नेपाल एसोसिएसन अफ टुर एण्ड ट्राभल एजेन्ट्स (नाट्टा) सँग छलफल गर्दै १५ दिनभित्र समस्या समाधान गर्नेगरी कार्यदल गठन गरेको हो ।

व्यवस्थापन प्रभावकारी बनाउन साथै बढीभन्दा बढी विदेशी पर्यटक भित्र्याउनका लागि कार्यदल गठन गरिएको निगमका प्रवक्ता अर्चना खड्काले जानकारी दिईन् ।

आठ सदस्यीय कार्यदलमा निगमको वाणिज्य निर्देशक जनकराज कालाखेती, अर्थ विभाग निर्देशक उमेश पौडेल, साधारण सेवा तथा सम्पत्ति व्यवस्थापन निर्देशक अनिल घिमिरे र वाणिज्य विभागका उपनिर्देशक सन्तोष पाण्डे रहेका छन् । त्यस्तै नाट्टाको तर्फबाट वरिष्ठ उपाध्यक्ष प्रमोद दाहाल, महासचिव कुमारमणि थपलिया, कोषाध्यक्ष राजकुमार देवकोटा र कार्यसमिति सदस्य सवला भण्डारी रहेका छन् ।

नव नियुक्त संस्कृति, पर्यटन तथा नागरिक उड्डयनमन्त्री सुदन किराँतीले गत माघ ९ गते निगमको निरीक्षणका गर्दै निगमको सेवालाई सुस्त र प्रभावकारी बनाउँदै एक महिनाभित्र अनलाइन टिकटको व्यवस्थापन गर्न निर्देशन दिएका थिए ।

निगमकी प्रवक्ता खड्काका अनुसार आन्तरिकतर्फ यसअघि नै अनलाइन टिकट व्यवस्थापन गरिएको छ । अन्तर्राष्ट्रियमा पनि निगमको वेबसाइटमार्फत अन्तर्राष्ट्रिय कार्ड होल्डरले टिकट काट्न सक्छन् । लोकल वालेट मार्फत टिकट काट्न सक्ने गरी यही जनवरी अन्तिमसम्म व्यवस्थापन गरिने निगमले जनाएको छ ।

प्रकाशित मिति: बिहीबार, माघ १२, २०७९ १३:०१

प्रतिक्रिया दिनुहोस्