सुनसरी/ धरानको पर्यटकीय गन्तव्य मध्ये एक शिवजट्टा झरना ओझेलमा परेको छ । सरोकारवाला निकायको उदासिनताले ऐतिहासिक एवम् पर्यटकीय क्षेत्र ओझेलमा पर्दै गएको हो ।
यस स्थानमा पुग्ने जोकोहीले शिवजट्टा रमणीय भएको तर भौतिक संरचना भने पर्याप्त नभएको बताउने गरेका छन् । धरान १५ का सूर्य बस्नेतले शिवजट्टा अत्यन्तै रमणीय भएको बताए । उनले भने– ‘शिवजट्टा झर्नामा नुहाउन पाउदा रमाइलो लाग्यो ।’ उनले नजिकै रहेको शिवालयले शिवजट्टाको महत्व अझ प्रस्ट्याउने बताए ।
उपमहानगरपालिकाको वडा नं ४ न रहेको शिवजट्टा पर्यटकीय गन्तव्यको प्रचुर सम्भावना भएर पनि ओझेलमा परेको पर्यटन व्यवसायीहरू बताउँछन् । पर्यटन व्यवसायी बासु बरालले धरान बजारबाट करिब ५ किलोमिटर उत्तरपूर्वमा रहेको शिवजट्टा धार्मिक पर्यटनको सम्भावना बोकेको स्थल भएको बताए । उनले भने –‘यसको प्रचार प्रसार गर्न सके धार्मिक पर्यटन सहित प्राकृतिक पर्यटकको विकाश गर्न सकिन्थ्यो ।’ उनले भने पूर्वमा रहेका आकर्षक स्थलमध्ये शिवजट्टा पनि भएको भन्दै यसको प्रवर्द्धनमा तीनै तहका सरकार लाग्नुपर्ने बताए ।
यो झरनामा धार्मिक हिसाबले पनि महत्वका साथ हेरिने गरिएको कछ । साउन महिनामा यो झरनामा नुहाउदा रोगव्याधी हरण हुने विश्वास गरिन्छ ।
शिवजट्टालाई धरानको खानेपानीको मुहानको रुपमा लिने समेत गरिएको छ । यही क्षेत्रबाट दक्षिण एसियाकै उत्कृष्ट अस्पताल बीपी कोइराला स्वास्थ्य विज्ञान प्रतिष्ठानमा पानी लगिएको छ ।
तराईका क्षेत्रमा रहेका पर्यटकलाई नजिकै रहेको झरनाले आकर्षण गर्न सक्ने बरालको दाबी छ । केही वर्ष अघि सम्म शिवरात्रीका दिन भारतका जोगीहरू आएर धुनी बालेर बस्ने गरेको स्थानीहरू बताउँछन् । तर पछिल्लो समय जोगीहरू आउन छाडेको उनीहरु बताउँछन् । काठमाडौंको पशुपति क्षेत्र जस्तै शिवजट्टामा शिवालयको महत्व रहेको स्थानीयको दाबी छ ।
धार्मिक ग्रन्थमा उल्लेख भए अनुसार हिन्दुका आराध्यदेव शिवले सतीदेवीको शव बोकेर भौतारि हिड्दै गएको अवस्थामा विस्तारै सतीदेवीको शरीरको सबै अंग पतन भइसकेपछि शिवजीको चेत खुल्दा आफ्नो शरीर ज्यादै फोहोर पाए पछि उनले यही शिवजट्टाको झरनामा नुहाएको किवंदन्ती छ । नुहाउने क्रममा उनको जट्टा त्यस ठाउँमा झरेकाले नै यसलाई शिवजट्टा भनिन थालिएको स्थानीय मानवीर राई बताउँछन् । शिव जट्टालाई शिव बास बसेकाले शिवकुण्ड पनि भनिने गरिएको उनको भनाई छ ।
-1732776670.jpg)
-1732438228.jpg)
-1732276981.jpeg)
-1732776670.jpg)
-1732438228.jpg)
-1730958297.jpg)
-1729861408.jpg)
-1729854900.jpg)
-1719658788.jpg)