पर्यटकीय स्थलको अनुपम उपहार: कालिञ्चोक

गन्तव्य परिचय

गृहपृष्ठ
गन्तव्य परिचय
पर्यटकीय स्थलको अनुपम उपहार: कालिञ्चोक

पर्यटकीय स्थलको अनुपम उपहार: कालिञ्चोक

सोमबार, मंसिर २६, २०७९ एभरेष्ट पेडिया

kalinchok (29).jpeg

हिमालकै समीपमा उभिएको महसुस हुँदा कसको मन नरमाउला ? कालिञ्चोक भगवती मन्दिर पुग्ने जोसुकैले यसैगरी हिमालको छेउमा उभिएको महसुस् गर्न सक्छन्। काठमाडौंबाट केही घण्टाको यात्रामै पुगिने कालिञ्चोक भगवती मन्दिरलाई नजिकको तीर्थ पनि भनिन्छ ।

धार्मिक मान्यता अनुसार कालिञ्चोक भगवतीले भक्तको इच्छा पूर्ति गर्दिन्छिन् । मागेको कुरा पुग्ने जनविश्वास पनि छ ।

कालिञ्चोक भगवती मन्दिर धार्मिक रुपले पनि प्रसिद्ध मानिन्छ । मनोरम दृश्य समेत अवलोकन गर्न पाइने यो मन्दिर परिसरबाट गौरीशंकर हिमाल आँखै अगाडि देखिन्छ । साथै लाङटाङ हिमश्रृंखलाको काखैमा उभिएको महसुस गर्न सकिन्छ यहाँबाट ।

कसरी पुग्ने कालिञ्चोक

काठमाडौंदेखि दोलखाको दूरी १ सय ८२ किलोमिटर छ । दोलखाको सदरमुकाम चरिकोटबाट कालिञ्चोक जान थप १७ किलोमिटरको दूरी पूरा गर्नुपर्ने हुन्छ ।

कालिञ्चोक समद्री सतहदेखि ३ हजार ८ सय ४२ मिटरको उचाइमा छ । त्यहीँ कालिञ्चोक भगवती मन्दिर अवस्थित छ।

कालिञ्चोक भगवती काभ्रेको पलाञ्चोक भगवती, काठमाडौंको शोभा भगवती र अन्य भगवती गरी सात भगवती दिदी बहिनीमध्ये एक हुन् भन्ने किम्बदन्ती छ । काठमाडौंबाट चरिकोटसम्म सार्वजनिक सवारी चढेर ४ सय ५० रुपैयाँमा दोलखा पुग्न सकिन्छ ।

चरिकोटकबाट कालिञ्चोक जान अर्को लोकल जीप समातेर जानुपर्ने हुन्छ । चरिकोटदेखि कालिञ्चोकको कुरी बजारसम्म कच्ची मोटरबाटो छ, जुन बाटोमा बोलेरो र मोटरसाइकल चलाउन सकिन्छ । यस बाटोमा नियमित सार्वजनिक सवारीसाधन भने उपलब्ध छैन ।

प्रकाशित मिति: सोमबार, मंसिर २६, २०७९ ०९:२१

प्रतिक्रिया दिनुहोस्