खुम्बु क्षेत्रमा मनोरम हिमाल अनी फेदीमा डरलाग्दो ग्लेसिय रहेका छन् । गोक्यो–गोजुम्पा तथा खुम्बु ग्लेसियर मुख्यरूपमा समून्द्री सतहबाट ५,३५७ मीटर उचाईमा रहेको गोक्यो री पहाड, ४,७९० मीटर उचाईमा रहेको गोक्यो ताल, ५,४२० मीटर उचाईमा रहेको चोला पास, ५,३६४ मीटर उचाईमा रहेको एभरेष्ट बेसक्याम्प र ५,६४४ मीटर उचाईमा रहेको कालापत्थरको भ्रमणमा आधारित रहेको छ ।
गोक्यो ताल एवम् गोक्यो री पहाड गोजुम्पा ग्लेसियरको पश्चिमपट्टि अवस्थित छ । कूल लम्बाई ३६ किलोमिटर रहेको गोजुम्पा ग्लेसियर क्षेत्र गोक्यो लगायतका ५ वटा हिमताल तथा सयौं हिमतलैयाहरू, गोजुम्पा ग्लेसियर अर्थात हिमनदी, गोक्यो री पहाडबाट उचाईका दृष्टिकोणले विश्वको सबैभन्दा अग्लो हिमाल सगरमाथा (८,८४८.८६ मीटर), चौथो अग्लो हिमाल ल्होत्से (८,५१६), पाँचौं अग्लो हिमाल मकालु (८,४६३ मीटर) र छैठौं अग्लो हिमाल चोयू (८,२०१ मीटर) को एकैपटक दृष्यावलोकन गर्न उपयुक्त स्थानका रूपमा विश्वप्रसिद्ध रहेको छ । 
सबै ग्लेसियर अर्थात हिमनदीहरू हिमालको हिउँ पग्लेर बन्ने गर्दछन् । तर यस्ता नदी तत्कालै सतहमा प्रकट नभई निश्चित गहिराईमा निश्चित लम्बाईसम्म बालुवा, रोडा तथा ढुङ्गामुनी जम्ने तथा बग्ने र त्यसपछि सतहमा प्रकट हुने प्रकृतिको हुन्छ । केही दशक पहिले अधिकांश ग्लेसियरको सतह हिउँले ढाक्ने गरेकोमा जलवायु परिवर्तन लगायतका कारणले हाल यस्ता नदीको सतहमा जमेका हिमतलैयाहरू, बालुवा, रोडा तथा ढुङ्गा देख्न सकिन्छ । हिउँको मात्रा घट्दै गएको छ । 
सगरमाथा, नुप्त्से र ल्होत्से हिमालको हिउँ पग्लिएर बनेको खुम्बु हिमनदी अर्थात संसारको सबैभन्दा उच्च स्थानमा रहेको ग्लेसियरको अधिकतम् लम्बाई १५ किलोमिटर रहेको छ । यस क्षेत्रमा उल्लिखित हिमालहरू लगायत सगरमाथा आधार शिविर, खुम्बु आईसफल र कालापत्थर जस्ता भ्रमणीय स्थानहरू पर्दछन् ।
गोजुम्पा तथा खुम्बुक्षेत्रमा रहेको विश्वप्रसिद्ध ३ वटा सर्किट ट्रेलहरू (समून्द्री सतहबाट ५,३६० मीटर उचाईमा रहेको रेन्जोला पास, ५,४२० मीटर उचाईमा रहेको चोला पास र ५,५३५ मीटर उचाईमा रहेको कोङ्माला पास) पनि रहेको छ ।
रेन्जोला पासले नाम्चेभन्दा पश्चिममा रहेको प्रशिद्ध पर्यटकीय स्थान थामे र गोक्योलाई जोड्दछ । चोला पासले गोक्यो क्षेत्र अर्थात गोजुम्पा ग्लेसियर र सगरमाथा अर्थात खुम्बुक्षेत्रलाई जोड्दछ । त्यस्तै, कोङ्माला पासले खुम्बुक्षेत्र र विश्वप्रसिद्ध ईम्जा ग्लेसियर क्षेत्रलाई जोड्दछ । 
प्रशिद्ध आमादव्लम हिमालको उत्तरपूर्व, बरून्ट्से हिमालको पश्चिम तथा नुप्त्से र ल्होत्से हिमालको दक्षिणपट्टि अवस्थित विश्वका धेरै पर्यटकको आकर्षणको केन्द्रविन्दुका रूपमा करीव ६,१०० मीटर उचाईमा रहेको आईल्याण्ड पिक अर्थात ईम्जा से र ५,१०० मीटर उचाईमा अवस्थित ईम्जा ताल पनि ईम्जा ग्लेसियर क्षेत्रमा पर्दछन् । ईम्जा ग्लेसियरको कूल लम्बाई करीव ३५ किलोमिटर रहेको छ । ३ वटा प्रसिद्ध ग्लेसियरहरू ईम्जा, ल्होत्से शार र अम्फुलाप्चा ग्लेसियरहरू मिलेर ईम्जा ग्लेसियर बनेको छ ।
-1732776670.jpg)
-1732438228.jpg)
-1732276981.jpeg)
-1732776670.jpg)
-1732438228.jpg)
-1730958297.jpg)
-1729861408.jpg)
-1729854900.jpg)
-1719658788.jpg)