लुकुम गाउँमा झाँक्री मेला (तस्बिरहरू)

पर्यटन समाचार

गृहपृष्ठ
पर्यटन समाचार
लुकुम गाउँमा झाँक्री मेला (तस्बिरहरू)

लुकुम गाउँमा झाँक्री मेला (तस्बिरहरू)

बुधबार, साउन ४, २०७९ दिलचन पुन

रूकुम पूर्वको भूमे गाउँपालिका-१ स्थित लुकुम गाउँमा झाँक्री मेला सुरु भएको छ।

अठार मगरात क्षेत्रमा साउने संक्रान्तिलाई तिवार/राँखे पर्वको रुपमा भव्य रुपले मनाउने प्रचलन छ। यसै चाडको अवसरमा रुकुम पूर्वको लुगुम गाउँमा हरेक वर्ष साउन महिनाको पहिलो हप्तामा पर्ने मंगलबार या शनिबार पारेर गाउँका झाँक्रीहरू मिलेर झाँक्री पर्व मनाउने चलन छ।

स्थानीय मगर खाम भाषामा ज्या: पलेन्ये रम्मा राम अथवा भूत निकाल्ने झाँक्री उत्सव पनि भन्ने गरिन्छ।

भेला भएका झाँक्रीहरूले एक अर्काको ग्रह दशा हेरेर गाउँका युवायुवती राम्चेहरू र झाँक्रीका चिल्मी वा भान्जाहरूका बिचमा एकअर्कालाई सिस्नोले हानेर रमाइलो गर्छन्। सिस्नोले शरीरमा हान्दा अदृश्य भूतप्रेतलाई धपाईन्छ भन्ने जनविश्वास छ ।

किम्वदन्ती अनुसार परापूर्वकालमा पहिला लुगुम गाउँमा बोक्सीहरूले निकै सताएको र भैरम झाँक्रीको उत्पत्ति भएको बुढापाकाहरू सुनाउँछन्। भैरम झाँक्रीले आफ्नो अलाङकारिक बस्त्र पहिरिएर ढ्याङ्ग्रो बजाउँदै तन्त्रमन्त्र जप्दै नाच्छन र बोक्सीहरूलाई जमिन मुनि गाडेर विशाल ढुङ्गाले च्यापिदिएर आफू पनि सधैको लागि अल्पिएको विश्वास छ।

सोही दिनको सम्झनामा बोक्सीहरू गाडिएको ठाउँमा हेरक बर्ष झाँक्रीहरु भेला भएर नाचगान गर्दै खुसियाली मनाउँदै मेलाको रुपमा मनाउने गरिन्छ।

उपस्थित पाहुनाहरुलाई सिस्नोले हान्ने चलन पनि छ। मेला दुई दि सम्म चल्ने गर्दछ।
हेर्नुहोस् तस्बिरहरू