भारतले कैलाश मानसरोवर यात्रा सञ्चालन गर्ने

पर्यटन समाचार

गृहपृष्ठ
पर्यटन समाचार
भारतले कैलाश मानसरोवर यात्रा सञ्चालन गर्ने

भारतले कैलाश मानसरोवर यात्रा सञ्चालन गर्ने

शनिबार, वैशाख १३, २०८२ एभरेष्ट पेडिया

फाइल तस्बिर

काठमाडौं। भारतको विदेश मन्त्रालयले कैलाश मानसरोवर यात्राको घोषणा गरेको छ।

पहलगाम आक्रमणपछि जम्मु-कश्मीरको सुरक्षा अवस्थाबारे व्यक्त भइरहेकाबेला विदेश मन्त्रालयले जुन र अगस्टका लागि मानसरोवर यात्राको घोषणा गरेको हो।

घोषणामा उल्लेख भएअनुसार उत्तराखण्डबाट ५० जना तीर्थयात्रीको पाँच समूह र सिक्किमको नाथुलाबाट ५० जना तीर्थयात्रीको १० समूहले यात्रा गर्ने छन्।

मानसरोवर यात्राका लागि आवेदन स्वीकृत गर्न भारत सरकारले https://kmy.gov.in/ वेबसाइट खोलेको छ। प्राप्त आवेदनबाट यात्राका लागि तीर्थयात्रीहरुको छनोट हुने मन्त्रालयको सूचनामा उल्लेख छ।

सन् २०२० मा गलवान क्षेत्रमा भारत र चीनका सैनिकबीच झडप भएपछि भारतले कैलाश मानसरोवर यात्रा बन्द गरेको थियो। यद्यपि, गत मागमा भारत र चीनबीच यात्रा पुन: सुचारु गर्ने सहमति भएको थियो।

कैलाश मानसरोवर हिन्दु तथा बौद्ध धर्मावलम्बीहरुको पवित्र धार्मिकस्थल मानिन्छ। ‘कैलाश दर्शन गरेपछि स्वर्ग गइन्छ’ भन्ने जनविश्वास रहेको छ।

मानसरोवर क्षेत्र पर्यटकीय हिसाबले पनि खास मानिन्छ। तीब्बतीय भूभागस्थित उच्च हिमाली क्षेत्रमा पर्ने भएकोले यस क्षेत्रलाई कठिन यात्राको सूचीमा राखिएको छ।

कैलाश मानसरोवर यात्रा सुचारु गर्न चीन र भारत सहमत

प्रकाशित मिति: शनिबार, वैशाख १३, २०८२ २२:२७

प्रतिक्रिया दिनुहोस्