वसन्त काव्य उत्सव (भिडियाे)

एभरेष्ट पेडिया टिभी

गृहपृष्ठ
एभरेष्ट पेडिया टिभी
वसन्त काव्य उत्सव (भिडियाे)

वसन्त काव्य उत्सव (भिडियाे)

आइतबार, चैत ३१, २०८१ एभरेष्ट पेडिया

वसन्त ऋतुलाई कला, साहित्य, धर्मसंस्कृति र दैनिक जीवनमा पूनर्जागरणको बिम्बका रुपमा प्रयोग गरिँदै आएको पाइन्छ। त्यो पुनर्जागरण व्यक्ति, समाज र प्रकृतिको त्रिकोणात्मक अन्तरसम्बन्धमा आधारित छ। त्यसैले वसन्त अब केवल कालिक चिन्ह मात्र रहेन। यसले नविनता, सृजनात्मकता, जागरण र आशाको प्रतीकका रुपमा समेत काम गर्दछ।

संस्कृत सौन्दर्यशास्त्रमा वसन्तलाई प्रेम, सौन्दर्य र आकर्षण जस्ता भावहरूको प्रतिनिधित्व गर्ने श्रृङ्गार रससँग जोडेर पनि हेरिएको पाइन्छ। सँगसँगै यसलाई ज्ञानको उज्यालो र कलासङ्गीतको ऊर्जाको बहाक पनि मानिएको छ। यस ऋतुले प्रकृति र मानिसको सृजनात्मक सङ्गतीलाई अभिव्यञ्जित गरिरहेको हुन्छ। त्यसैले त समाजमा उत्सव र जात्रा शुरु हुन्छन्। प्रकृति पनि पुष्पित पल्लवित भएर नृत्यमग्न देखिन्छ।

नविनतातर्फ, उज्यालोतर्फ, र आशातर्फको एउटा सिर्जनशील बिम्ब नै बसन्त हो। हामीले सिर्जनशीलताको त्यही काव्यिक यात्रालाई ‘वसन्त काव्य उत्सव’ नाम दिएका छौं। नयाँ वर्ष २०८२ लाई स्वागत गरिरहेको यस क्षणमा हाम्रो सिर्जन शक्तिलाई समतामूलक र न्यायपूर्ण समाज निर्माणमा प्रयोग गर्न सकियोस् भन्ने शुभकामनासहित यो सृङ्खलामा हामीले १७ जना शक्तिशाली नेपाली कविका कविता पस्केका छौं।