काठमाडौं। ‘कनेक्टिङ कर्णाली’को चौथो श्रृंखला काठमाडौंको नयाँ बानेश्वरस्थित उमोजा कफीमा सुरु भएको छ।
शब्द, चित्र, दृश्य र उत्पादनमार्फत् जुम्लालाई चिनाउने उद्देश्यसहित ‘कनेक्टिङ कर्णाली’को चौथो श्रृंखला सञ्चालन गरिएको परिकल्पनाकार भरतबन्धु थापाले जानकारी दिए।
भरतबन्धु थापा
प्रदर्शनीमा कर्णालीका धार्मिक, पुरातात्विक, सांस्कृतिक र जनजीवन झल्कने २१ तस्बिर तथा उत्पादन समावेश छन्।
प्रदर्शनीमार्फत ‘कर्णालीमा अभाव, अशिक्षा र रोगमात्रै होइन, सम्भावनाको खानी पनि छ’ भन्ने देखाउन खोजिएको थापाले बताए।
प्रदर्शनीमा अधिकांश तस्बिर एलपी देवकोटाका रहेका छन्। उनी दुई दशकदेखि पत्रकारितामा सक्रिय छन्। कर्णालीका कुना कुनामा पुगेर रिपोर्टिङ गरेका देवकोटाले प्रदर्शनीमा जुम्लाका सबै पक्षहरु उजार हुने गरी तस्बिरहरु राखेका छन्।
एलपी देवकोटा
उनले कहिलै जुम्ला नपुगेका व्यक्तिहरुलाई जुम्लाको सौन्दर्यता र सांस्कृतिक धरोहर देखाउने चाहनाले काठमाडौंमा प्रदर्शनी गरेको बताए।
कर्णालीलाई काठमाडौंमा जोड्ने लक्ष्यसहित सुरु गरिएको ‘कनेक्टिङ कर्णाली’को चौथो श्रृंखाला हो। यो अभियान अन्तर्गत पहिलो श्रृंखालामा दैलेख, दोस्रोमा डोल्पा र तेस्रोमा मुगुका तस्बिर र उत्पादनलाई प्रदर्शनी गरिएको थियो।
-1740473541.jpeg)
