काठमाडौँ। उत्तर कोरियाले अन्तर्राष्ट्रिय यात्रुहरूका लागि आफ्नो ढोका खोलेको छ।
गत हप्ता विदेशी पर्यटकहरूको सानो समूहले उत्तर कोरियाको भ्रमण गरेको थियो। यो समूह पछिल्लो पाँच वर्षमा उत्तर कोरिया भ्रमण गर्ने पहिलो समूह बनेकाे छ। यद्यपि, यसअघि गत वर्ष रूसी पर्यटकहरूको सानो समूहले उत्तर कोरियाको भ्रमण गरेको थियो।
विदेशी पर्यटकहरूको यो भ्रमण उत्तर कोरियाको लागि धेरै हिसाबले महत्त्वपूर्ण भएकाे विज्ञहरुकाे भनाइ छ। किनकि, उत्तर कोरियाले आफ्नो कमजोर अर्थतन्त्रलाई सुधार गर्न अन्तर्राष्ट्रिय पर्यटन पुनः सुरु गर्ने तयारी गरिरहेको छ।
बेइजिङस्थित ट्राभल कम्पनी कोरियो टुर्सले १३ जना अन्तर्राष्ट्रिय पर्यटकको समूह उत्तर कोरियाको भ्रमण गरिरहेको बताएको छ। उनले समूहको लागि फेब्रुअरी २० देखि २४ सम्म देशको विशेष आर्थिक क्षेत्र रासन शहरको यात्राको व्यवस्था गरेका थिए।
ट्राभल एजेन्सीका महाप्रबन्धक साइमन कोकरेलका अनुसार विदेशी पर्यटकहरूमा बेलायत, क्यानडा, ग्रीस, न्यूजील्याण्ड, फ्रान्स, जर्मनी, अस्ट्रिया, अष्ट्रेलिया र इटालीका यात्रीहरू छन्, जो चीनबाट जमिन हुँदै उत्तर कोरिया आएका थिए।
साइमनले पर्यटकहरूले रासनमा किम इल सुङ र किम जोङ इल (वर्तमान नेता किम जोङ उनका दिवंगत हजुरबुबा र बुबा)को कारखाना, पसल, विद्यालय र मूर्तिहरूको भ्रमण गरेको बताएका छन्। साइमनले उत्तर कोरिया जनवरी २०२०देखि अन्तर्राष्ट्रिय पर्यटकहरूको लागि बन्द गरिएको छ तर अब यात्रा पुनः सुरु हुने अपेक्षा गरिएको छ।
कोरोनाभाइरस महामारी सुरु भएपछि उत्तर कोरियाले विदेशी पर्यटकहरूलाई देश प्रवेशमा प्रतिबन्ध लगाउँदै विश्वकै कडा कोभिड उपायहरू लागू गरिएको थियो। यसका साथै, कूटनीतिज्ञहरूलाई देशबाट निष्कासन गरियो र सीमा आवागमन पनि घटाइएको थियो। यद्यपि, २०२२ देखि उत्तर कोरियाले बिस्तारै आफ्नो सिमाना खोल्दैछ। फेब्रुअरी २०२४ मा, उत्तर कोरियाले लगभग १०० रूसी पर्यटकहरूलाई स्वीकार गरेका थियाे, जुन विदेशी पर्यटकहरूको पहिलो समूह थियो।
उत्तर कोरियाले युक्रेन विरुद्धको युद्धलाई समर्थन गरेदेखि नै उत्तर कोरिया र रुसबीचको सम्बन्ध बलियो भएको विज्ञहरू विश्वास गर्छन्। यसबाहेक, रुसलाई हतियार र सैनिक पनि उपलब्ध गराइएको छ। यसका साथै, उत्तर कोरिया र रुससँगको त्रिपक्षीय, अमेरिका विरोधी गठबन्धनमा सामेल हुन चीनले अनिच्छा देखाएकोले उत्तर कोरिया र चीनबीचको सम्बन्ध पनि नरम भएको छ।
दक्षिण कोरियाको गुप्तचर निकायद्वारा सञ्चालित थिंक ट्याङ्क, राष्ट्रिय सुरक्षा रणनीति संस्थानका विज्ञ ली साङ्क्युनले उत्तर कोरिया अब अन्तर्राष्ट्रिय पर्यटन पुनः सुरु गर्न चाहन्छ। तर, स्थानीय गाइडहरूसँग यात्रा गर्ने र संवेदनशील स्थानहरूमा तस्बिर खिच्न प्रतिबन्ध जस्ता केही यात्रा प्रतिबन्धहरूले पर्यटनलाई असर गर्न सक्ने बताउछन्।
-1740473541.jpeg)
-1740378892.jpg)
