काठमाडौं। भारतको नयाँ दिल्लीस्थित यशोभूमिमा २०८१ फागुन ७ गतेदेखि तीन दिने दक्षिण एसियाकै सबैभन्दा ठूलो तथा प्रभावशाली पर्यटन मेला (दक्षिण एसिया यात्रा तथा पर्यटन आदान प्रदान) सम्पन्न भएको छ। ३५,००० भन्दा बढी आगन्तुकहरूमाझ नेपालको विविध पर्यटकीय गन्तव्यहरू प्रवर्द्धन भएको यस मेलामा ३४ नेपाली यात्रा तथा पर्यटन कम्पनीहरूको विशिष्ट प्रतिनिधिमण्डलले नेपालको पर्यटन सम्पदाहरू प्रस्तुत गरेका थिए।
नेपाल पर्यटन बोर्डले उक्त मेलाका सहभागीहरूलाई नेपालका प्रमुख पर्यटकीय गन्तव्यहरूको प्रवर्द्धन गर्ने उद्देश्यले विशेष समारोहको आयोजना गरेको थियो। समारोहको उद्घाटन कार्यक्रममा नेपाल पर्यटन बोर्डका कार्यकारी प्रमुख दीपकराज जोशी, प्रमुख अतिथिका रूपमा नेपालका लागि भारतस्थित राजदूत डा. शंकर शर्मा, नेपाल तथा भारतका उच्च पदस्थ सरकारी अधिकारीहरू, पर्यटन व्यवसायीहरू तथा विभिन्न मुलुकका प्रतिनिधिहरूको उपस्थिति रहेको थियो।
उद्घाटन समारोहलाई सम्बोधन गर्दै प्रमुख जोशीले नेपाल–भारतबीच सांस्कृतिक तथा भाषिक समानता रहेको उल्लेख गर्दै नेपाललाई भारतका लागि प्रमुख पर्यटकीय गन्तव्यका रूपमा प्रवर्द्धन गर्न नेपाल पर्यटन बोर्ड प्रतिबद्ध रहेको बताए। उनले भारतको विशाल जनसंख्यालाई लक्षित गर्दै धार्मिक, सांस्कृतिक तथा साहसिक पर्यटन प्रवर्द्धन गर्न नवीन रणनीतिहरू अवलम्बन गरिएको जानकारी दिए।
-1740226362.jpeg)
नेपाल पर्यटन बोर्डद्वारा प्रवर्द्धन गरिएका प्रमुख रणनीतिहरूमा सुदूरपश्चिम यात्रा मेला, बौद्ध परिपथ, हिमालय यात्रा मेला लगायतका विशेष कार्यक्रमहरू रहेको जानकारी गराइयो। नेपाल भ्रमणका लागि भारतीय पर्यटकहरूको आकर्षण बढ्दै गइरहेको सन्दर्भमा सडकमार्गबाट नेपाल आउने पर्यटकहरूको तथ्याङ्क व्यवस्थापन गर्न प्रभावकारी प्रणाली आवश्यक रहेको राजदूत शर्माले औंल्याए।
समारोहमा सहभागी भारतको उत्तर प्रदेश सरकारको पर्यटन विभागकी उपनिर्देशक प्रीति श्रीवास्तवले नेपाल–भारत पर्यटन प्रवर्द्धनलाई अझ सशक्त बनाउन संयुक्त कार्यक्रमहरू आयोजना गर्ने प्रतिबद्धता व्यक्त गरिन। साथै, राष्ट्रिय यात्रा तथा पर्यटन व्यवसायी संघका प्रमुख कुमारमणि थपलियाले यस्ता पर्यटन मेलाले जनस्तरीय र व्यावसायिक सम्बन्ध विस्तार गर्दै नयाँ बजार पहिचान गर्न महत्वपूर्ण भूमिका खेल्ने बताए।
-1740129984.jpg)
-1740129984.jpg)
-1739692658.jpg)
-1734425918.jpg)
-1730958297.jpg)
-1739948624.jpg)
