बिमस्टेक पर्यटन व्यवसायी सञ्जालकाे तेस्रो बैठक काठमाडौंमा हुने

पर्यटन समाचार

गृहपृष्ठ
पर्यटन समाचार
बिमस्टेक पर्यटन व्यवसायी सञ्जालकाे तेस्रो बैठक काठमाडौंमा हुने

बिमस्टेक पर्यटन व्यवसायी सञ्जालकाे तेस्रो बैठक काठमाडौंमा हुने

मंगलबार, माघ २२, २०८१ एभरेष्ट पेडिया

काठमाडौं। बिमस्टेक पर्यटन व्यवसायी सञ्जाल (BIMSTEC Network of Tour Operators)को तेस्रो बैठक काठमाडौंमा आगामी फेब्रुअरी ६ र ७ (माघ २४–२५) गते आयोजना हुँदैछ।

नेपालले आयोजना गर्न लागेको यस महत्वपूर्ण बैठकमा बंगलादेश, भुटान, भारत, म्यानमार, श्रीलङ्का, थाइल्याण्ड र नेपालका पर्यटन क्षेत्रका सरकारी तथा निजी क्षेत्रका प्रतिनिधिहरू तथा बिमस्टेक सचिवालयका अधिकारीहरूको सहभागिता रहनेछ।

बैठकमा बिमस्टेक राष्ट्रहरूबीच पर्यटन प्रवर्द्धन, दिगो पर्यटन विकास तथा क्षेत्रीय सहकार्य विस्तारका विषयमा छलफल हुने बताइएको छ। साथै, प्रभावकारी गन्तव्य व्यवस्थापनमार्फत क्षेत्रीय पर्यटनको विकास, पर्यटन क्षेत्रका चुनौतीहरूको पहिचान तथा समाधानका उपायहरूबारे पनि व्यापक विचारविमर्श गरिनेछ।

बैठकमा विशेष रूपमा बिमस्टेक बुद्धिष्ट सर्किट (BIMSTEC Buddhist Circuits) र बिमस्टेक क्रुज सर्किट (BIMSTEC Cruise Circuits) का सञ्चालनका लागि आवश्यक रणनीतिहरूको छलफल हुनेछ। यस्तै, क्षेत्रीय पर्यटनलाई प्रवर्द्धन गर्न सहज भिसा व्यवस्थापनका उपायहरूबारे पनि बैठकमा चर्चा गरिने जनाइएको छ।

प्रकाशित मिति: मंगलबार, माघ २२, २०८१ २१:३४

प्रतिक्रिया दिनुहोस्