‘कालतालमा मनको शान्ति पाइन्छ’

एभरेष्ट पेडिया टिभी

गृहपृष्ठ
एभरेष्ट पेडिया टिभी
‘कालतालमा मनको शान्ति पाइन्छ’

‘कालतालमा मनको शान्ति पाइन्छ’

सोमबार, माघ १४, २०८१ एभरेष्ट पेडिया

गोरखाको चुमनुब्री गाउँपालिका वडा नं ४ मा अवस्थित कालताल

मनास्लु पदमार्गको प्रोक गाउँमा होमस्टे चलाउँदै आएका स्वास्थ्यकर्मी पेमा ग्याल्पो लामा गत स्थानीय निर्वाचनबाट चुमनुब्री गाउँपालिका–४ को वडाध्यक्ष निर्वाचित भएका छन्। उनी गाउँको पर्यटन विकासमा क्रियाशील छन्। उनको वडामा पर्ने कालताल महत्वपूर्ण पर्यटकीय सम्पदा हो।

प्रोक गाउँको शिरमा अवस्थित कालताल(३,७१० मिटर) गाउँलेका रक्षक हुन्। हिँडेर तालको फन्को मार्न १ घण्टा लाग्छ। तालमा मनास्लु हिमालसहित विभिन्न हिमचुलीको छायाँ देखिन्छ।
ताल किनारामा होटल छैन। त्यहाँको धर्मशालामा खाना र बासको व्यवस्था मिलाउन सकिन्छ। धर्मशालामा भाँडावर्तन राखिएको छ। प्रोक (२,४०० मिटर)बाट खानेकुरा लिएर उकालो लाग्नु पर्दछ। प्रोक गाउँमा भने होमस्टे सुबिधा छ। एक रात प्रोकमा र एक रात कालतालमा विताउनु राम्रो हुन्छ।

पेमा ग्याल्पो लामा
अध्यक्ष, चुुमनुब्री गाउँपालिका वडा नं. ४

तालमा जाँदा लोकल गाइड अनिवार्य लानुपर्ने नियम छ। पर्यटकको सुरक्षा, जैविक विविधता संरक्षण र धार्मिक क्षेत्रको संरक्षणका लागि गाइड अनिवार्य लानुपर्ने नियम बनाइएको हो।
कालतालमा थोरै मात्र पर्यटक पुग्छन्। ‘कालतालमा मनको शान्ति पाइन्छ’, वडाध्यक्ष लामा भन्छन्, ‘हामी नेपालीले हाम्रो नेपाललाई नेपाललाई माया गरौं। सगरमाथा, पोखरा, मनास्लु सबै सम्पदा चिनौं। माया गरौं।’
कालताल क्षेत्रको पर्यटनका विषयमा समाजसेवी पेमा ग्याल्पोसँग एभरेस्ट पेडियाले कुराकानी गरको छ।