जाडोपछि मनास्लु घुम्न आउनुस् है !

एभरेष्ट पेडिया टिभी

गृहपृष्ठ
एभरेष्ट पेडिया टिभी
जाडोपछि मनास्लु घुम्न आउनुस् है !

जाडोपछि मनास्लु घुम्न आउनुस् है !

सोमबार, माघ १४, २०८१ एभरेष्ट पेडिया

उत्तरी गोरखाको मनास्लु पदमार्गको सामागाउँमा ‘माउन्ट मनास्लुु’ होटल चलाउँदै आएका बिर बहादुर लामा बरिष्ठ पर्यटन व्यवसायी हुन्। चुमनुब्री गाउँपालिका वडा नं. १ सामागाउँमा सामन्यतः पदयात्रीहरू दुुई रात बस्छन्। यहाँ बसेर एक्लमटाइज हुन कोही पुुङ्गेन, कोही मिलारेपा केभ, कोही वीरेन्द्र ताल त कोही मनास्लु आधारशिविरमा पुुग्छन्।

अचेल मनास्लु परिक्रमा पदमार्गमा टि हाउस ट्रेकिङ गर्न सकिन्छ। पदयात्रीहरू सामागाउँबाट साम्दो, धर्मशाला, लार्केभञ्ज्याङ हुँदै मनाङको भिमथाङबाट तिल्चेसम्म पदयात्रा गर्छन्। त्यहाँबाट जिपमा धारापानी, बेशिसहर हुँदै फर्कन्छन्।

बिर बहादुर लामा
बरिष्ठ पर्यटनकर्मी

लामाको होटलमा एकै पट ४८ जना बास बस्न सक्छन्। उनले सन् १९९२ बाट टि हाउस सुरु गरेका थिए भने साइनबोर्ड राखेर होटल चलाउन थालेको सन् १९९८ देखि हो। लामा शिक्षासेवी पनि हुन्। उनले २४ वर्ष स्थानीय गौरीशंकर आधारभूत विद्यालयमा विद्यार्थीलाई पढाएका थिए। साथै गाउँघरको विकास र पर्यावरण संरक्षणमा पनि योगदान पु¥याउँदै आएका छन्। जीवनसाथी लक्ष्मीसँग मिलेर उनी पर्यटनकर्ममा सक्रिय छन्।

जीवनसाथी लक्ष्मीका साथमा बिर बहादुर लामा।

यिनै पर्यटनकर्मी लामासँग एभरेस्ट पेडियाले मनास्लुको पर्यटनका विषयमा कुराकानी गरेको छ। उनले आन्तरिक पदयात्रीलाई महत्वपूर्ण टिप्स दिएका छन्। राम्रोसँग अध्ययन र आवश्यक तयारी गरेर मात्र समूहमा पदयात्रा गर्नुपर्नेमा उनको जोड छ।

सामागाउँबाट बिहान खिचिएको मनास्लु हिमाल। तस्बिर ः अमृत भादगाउँले

प्रकाशित मिति: शुक्रबार, माघ १८, २०८१ ११:२०

#Manaslu

Previous Video

गाइडको कथाः १० पाथी आलुले बदलेको साने गुरुङको जीवन (भिडियाे) शुक्रबार, माघ ११, २०८१

Next Video

के हो टुरिजम प्रोजेक्ट सोकेस–कोशी? (भिडियाे) बुधबार, वैशाख ३, २०८२

प्रतिक्रिया दिनुहोस्

थप एभरेष्ट पेडिया टिभी