नेपाल पर्यटन बोर्डको वार्षिकोत्सवकाे अवसरमा टेबलटेनिस प्रतियोगिता

विविध

गृहपृष्ठ
विविध
नेपाल पर्यटन बोर्डको वार्षिकोत्सवकाे अवसरमा टेबलटेनिस प्रतियोगिता

नेपाल पर्यटन बोर्डको वार्षिकोत्सवकाे अवसरमा टेबलटेनिस प्रतियोगिता

शनिबार, पुस १३, २०८१ एभरेष्ट पेडिया

नेपाल पर्यटन बोर्डको २६औं वार्षिकोत्सवको अवसरमा बोर्डको कर्मचारी संगठनले वार्षिक खेलकुद कार्यक्रमअन्तर्गत टेबलटेनिस प्रतियोगिता सम्पन्न गरेको छ।

टेबलटेनिस प्रतियोगिता शुक्रबार योजना गरिएको थियो। प्रतियोगिताको उद्घाटन बोर्डका कार्यकारी प्रमुख दीपकराज जोशी र आठ पटककी राष्ट्रिय स्वर्ण पदक विजेता नविता श्रेष्ठबीच मैत्रीपूर्ण खेलद्वारा गरिएको थियो।

उद्घाटन समारोहमा जोशीले यस्ता कार्यक्रमले कर्मचारीहरूबीच सहकार्य र स्वस्थ जीवनशैलीलाई प्रवर्द्धन गर्ने बताए। नविता श्रेष्ठले खेलकुदलाई संगठनात्मक संस्कृतिको अभिन्न अंग बनाएकोमा खुसी व्यक्त गरिन्।

प्रतियोगितामा कर्मचारीहरूको उत्साहजनक सहभागिता देखिएको थियो। पुरुषतर्फ श्री सुरेन्द्र प्रजापति विजयी बने भने प्रतिक ढकाल र सीताराम दाहाल क्रमशः पहिलाे र दाेस्राे रनरअप भए। महिलातर्फ रमा दाहालले उपाधि जितिन् भने सकिना मिया र रिखीमाया राई क्रमशः पहिलाे र दाेस्राे रनरअप भए।

नेपाल पर्यटन बोर्ड कर्मचारी संगठनका अध्यक्ष कुन्दन शर्मा मिश्रले यस्ता खेलकुद कार्यक्रमहरूले टोली भावना र संगठनात्मक सद्भाव अभिवृद्धि गर्ने बताए।

संगठनका सचिव गोकुल भण्डारीले कार्यक्रम संयोजन गरेका थिए। वार्षिकोत्सवकै अवसरमा आइतबार फुटसल प्रतियोगितासमेत आयोजना हुने जानकारी दिइएको छ।

नेपाल पर्यटन बोर्डले खेलकुद, सांस्कृतिक कार्यक्रम र व्यावसायिक तालिममार्फत कर्मचारीहरूको व्यक्तिगत तथा व्यावसायिक विकासलाई प्रोत्साहन गर्दै आएको छ।

प्रकाशित मिति: शनिबार, पुस १३, २०८१ १७:३७

प्रतिक्रिया दिनुहोस्