सुनसरी। धरान उपमहानगरपालिका वडा नम्बर २० स्थित चिण्डे डाँडामा रहेको सेछ एडभेन्चर पार्कले आफ्नो चौथो वर्ष पूरा भएको अवसरमा विशेष छुट सहितको आकर्षक प्याकेज ल्याएको छ। यस अन्तर्गत आउँदो शनिबार मात्र साधारणतया पाँच सय रुपैयाँ लाग्ने जिपलाइन सेवा एक सय रुपैयाँमा उपलब्ध हुने भएको छ।
पार्कका निर्देशक बासुदेव बरालका अनुसार धरानको पर्यटन प्रवर्द्धनका लागि विभिन्न आकर्षक प्याकेजहरू ल्याइएको छ। पर्यटन सिजनको शुरुवातसँगै पार्कले सय प्रतिशत क्यास ब्याक प्याकेज समेत सार्वजनिक गरेको छ। यस अन्तर्गत आगन्तुकले पार्कमा खेलहरू खेलेर अन्य तीन जनालाई पार्कमा पठाएमा आफूले तिरेको सम्पूर्ण शुल्क फिर्ता पाउने व्यवस्था गरिएको छ।
विद्यार्थीहरूका लागि विशेष 'डेकेशन' प्याकेज अन्तर्गत छोटो हाइकिङ, स्काई साइकल, जिपलाइन, ब्रेकफास्ट, लञ्च र मनोरञ्जनात्मक सांगीतिक कार्यक्रम सहित प्रति विद्यार्थी एक हजार दुई सय रुपैयाँको प्याकेज उपलब्ध गराइएको छ।
पार्कमा स्काई साइकल, जिपलाइन, हेङ्गिङ ब्रिज, ३६० डिग्री साइकल, रसियन सर्कल लगायतका साहसिक खेलहरू सञ्चालनमा रहने छन्। पिकनिक प्याकेजमा जिपलाइन, स्काई साइकल, ब्रेकफास्ट र लञ्च सहित प्रतिव्यक्ति एक हजार पाँच सय रुपैयाँमा सेवा उपलब्ध गराइने छ। हाइकिङ गर्न नचाहनेहरूका लागि गाडीको समेत व्यवस्था गरिएको छ।
पार्क बिहान १० बजेदेखि बेलुकी ४ बजेसम्म खुला रहने छ।
-1731161363.jpg)
-1731129018.jpg)
-1730973935.jpg)
-1731161363.jpg)
-1730958297.jpg)
-1729861408.jpg)
-1729854900.jpg)
-1719658788.jpg)