कलानगरी पाटन

फोटो ग्यालरी

कलानगरी पाटन

बुधबार, फागुन ११, २०७८ रविन लुईँटेल

1/1

पाटन दरबार परिसरमा मानिसको चहलपहल बढेको छ। विश्वव्यापीरूपमा फैलिरहेको कोरोना महामारीका कारण पछिल्लो केही समय सुनसान देखिएको पाटन दरबार प्राङ्गणमा अहिले मानिसको चहलपहल बाक्लिएको छ।

दैनिक कार्यालय र घर गर्दा वाक्क भएर केही समय मन बहलाउन कृष्णमन्दिरको काखमा आउनेहरू प्रसस्त हुन्छन्। चिसो बढेसँगै एकदेखि दुई घण्टा घाम ताप्न पाटन डबलीमा भित्रिएको पाटन सङ्ग्रहालय वरपर टोलमा बस्ने केही वृद्ध जमातको धारणा थियो ।

मुलुकमा कोरोना सङ्क्रमण फैलनुअघि पाटन दरबारचोकमा दैनिक थुप्रै आन्तरिक तथा बाह्य पर्यटकको चहलपहल हुन्थ्यो। अहिले पनि पाटनमा घाम ताप्ने, घुम्ने, तस्बिर खिच्ने, गफ गर्ने र चराचुरुङ्गीलाई अन्न दिने मानिसको आवागमनसमेत बढेको देखिन्छ ।

पाटन दरबार क्षेत्र मन्दिर तथा पुरातात्विक महत्वका सम्पदाले भरिएको एक महत्वपूर्ण स्थल हो ।

काठमाडौँ उपत्यकाका प्रसिद्ध तीन शहरमध्ये पाटन सबैभन्दा पुरानो शहर मानिन्छ । पाटनको महत्वपूर्ण अङ्ग भनेकै तलेजु भवानी मन्दिर, देगुतले मन्दिर, सुन्दरी, केशवनारायण र मूलचोक, तुसाहिटी धारा, कृष्ण र भीमसेन मन्दिर आदि छन् । विश्व कला परिषद्ले पाटन क्षेत्रलाई विश्वको ३५औं कला नगरी शहर घोषणा गरिसकेको छ ।

पाटनका काष्ठकला, मूर्तिकला, प्रस्तरकला, धातुकला र हस्तकलाका विभिन्न सामग्री विश्वका मुलुकभर बिक्री वितरण हुने गर्छन् । काठमाडौँ उपत्यकाका अन्य शहरभन्दा पहिला पाटनमा बौद्धधर्मको शुरुआत भएको कुरा पाटनवासीको भनाइ छ ।

हेर्नुहोस् तस्बिहरू