पर्वतारोही क्रिस्टिन हरिला र तेन्जेन लामा तिन महिनामा पुरा गरे विश्वको १४ वटा अग्ला हिमाल आरोहण

अन्तर्राष्ट्रिय

गृहपृष्ठ
अन्तर्राष्ट्रिय
पर्वतारोही क्रिस्टिन हरिला र तेन्जेन लामा तिन महिनामा पुरा गरे विश्वको १४ वटा अग्ला हिमाल आरोहण

पर्वतारोही क्रिस्टिन हरिला र तेन्जेन लामा तिन महिनामा पुरा गरे विश्वको १४ वटा अग्ला हिमाल आरोहण

बिहीबार, साउन ११, २०८० एभरेष्ट पेडिया

फोटो: सेभेन समिट ट्रेक

काठमाडौं। नर्वेकी पर्वतारोही क्रिस्टिन हरिला र नेपालको तेन्जेन (लामा) विश्वको १४ वटा ८ हजारमाथिका हिमाल ९२ दिनमा चढेर विश्व किर्तिमान राखेका छन। उनिहरु ८ हजार माथिका १४ वटा हिमाल सबै भन्दा छिटो चढ्ने आरोही समेत बनेका छन।

अन्तर्राष्ट्रिय पर्वतारोही र शेर्पाको टोली आज बिहान नेपाली समय अनुसार ११ः३० बजे काराकोरममा अवस्थित विश्वको दोस्रो अग्लो केटु हिमालको चुचुरोमा पुगेको सेभेन समिट ट्रेक्सले पुष्टि गरेको छ।

आज विहान केटु चुचुरो चढ्ने समिटरहरूमा नर्वेकी क्रिस्टिन हरिला, नेपालका तेन्जेन शेर्पा (लामा), छिरिङ नामगेल शेर्पा, मिङ्मा तेन्जेन शेर्पा, आङदावा शेर्पा, मुक्तु लाक्पा शेर्पा, फुर्वा शेर्पा र रसियाको फेडर कुप्रिचेन्कोभ र इरानका सारा एडबोवाइस रहेका छन।

त्यस्तै रोप फिक्सिङ टोलीमा पासाङ नुर्बु शेर्पा, मिङ्तेम्बा शेर्पा र ङ्गिमा दोर्ची शेर्पा थिए। यो आरोहणसँगै क्रिस्टिन हरिला र तेन्जेल लामाले ९२ दिनमा आफ्नो ‘फास्टेस्ट १४ पिक्स’ को परियोजना पूरा गरेका छन।

त्यस्तै किशोरावस्थामा सबै १४ चुचुराहरू चढ्ने अभियानमा रहेका निमा रिन्जी शेर्पाले पासाङ नुरबुसँग केटु आरोहण गरेर आफ्नो ८ औं ८ हजार हिमाल आरोहण पूरा गरेका छन। यस अघि सन २०१९ मा नेपाली पूर्व बेलायती गोर्खा सैनिक तथा आरोही निर्मल पुर्जा मगरले ६ महिना ६ दिनमा १४ वटै अग्ला हिमाल आरोहणको किर्तिमान राखेका थिए।

प्रकाशित मिति: बिहीबार, साउन ११, २०८० १४:३२

प्रतिक्रिया दिनुहोस्