पनौतीमा खुल्यो पर्यटन सूचना केन्द्र

पर्यटन समाचार

गृहपृष्ठ
पर्यटन समाचार
पनौतीमा खुल्यो पर्यटन सूचना केन्द्र

पनौतीमा खुल्यो पर्यटन सूचना केन्द्र

सोमबार, साउन ८, २०८० एभरेष्ट पेडिया

पनौती। काभ्रेपलाञ्चोक जिल्लाको सांस्कृतिक नगरी पनौती घुम्न आउने पर्यटकलाई आवश्यक सूचना बाँड्ने उद्धेश्यले ‘पर्यटन सूचना केन्द्र’ सञ्चालन गर्न लागिएको छ।

पनौती पर्यटन विकास केन्द्रले लायकू डबली नजिकै एउटा घरका कोठा भाडामा लिएर सूचना केन्द्रमा रुपान्तरण गरेको हो।

‘यहाँबाट हामी पनौती क्षेत्रका प्राकृतिक, सांस्कृतिक र ऐतिहासिक सम्पदाहरूका साथै होटल र होमस्टेको सूचना बाँड्नेछौं’, केन्द्रका पूर्व अध्यक्ष जयराम मानन्धरले भने, ‘यही साउन ११ गते बिहीबार सूचना केन्द्र उद्घाटन गर्दैछौं।’

केन्द्रले पर्यटकलाई आवश्यक ब्रोसर, पोस्टर र वृतचित्रका साथै पथप्रदर्शकको व्यवस्था मिलाउनेछ। ‘हामी केन्द्र उद्घाटनको अन्तिम तयारीमा पुगेका छौं’, पनौती पर्यटनका हस्ती एवम् फोटोग्राफर प्रशान्त श्रेष्ठले भने।

बागमती प्रदेश सरकार र पनौती नगरपालिकाको सहयोगमा सूचना केन्द्र सञ्चालनमा ल्याइएको हो। यहाँ एक जना कर्मचारीको व्यवस्था गरिएको छ।

स्मरण रहोस् पनौतीको त्रिवेणीधाममा हरेक १२ वर्षमा मेला लाग्छ। यहाँ इन्द्रेश्वर महादेवलगायत विभिन्न देवदेवी, बिहार आदि छन्।

प्रकाशित मिति: सोमबार, साउन ८, २०८० १४:४२

प्रतिक्रिया दिनुहोस्