पोखरा नजिकैको पर्यटकीय गाउँ ताङतिङका पर्यटनकर्मीको ऊर्जा बढाइयो

फोटो ग्यालरी

गृहपृष्ठ
फोटो ग्यालरी
पोखरा नजिकैको पर्यटकीय गाउँ ताङतिङका पर्यटनकर्मीको ऊर्जा बढाइयो

पोखरा नजिकैको पर्यटकीय गाउँ ताङतिङका पर्यटनकर्मीको ऊर्जा बढाइयो

मंगलबार, साउन २, २०८० एभरेष्ट पेडिया

कास्कीको पर्यटकीय गाउँ ताङतिङ। 1/1

पोखरा। पोखरा नजिकैको पर्यटकीय गाउँ ताङतिङको पर्यटन कर्ममा समर्पित गाउँलेको ऊर्जा बढाउन तालिम दिइएको छ। ग्रामीण जनताका लागि उज्यालो बहुउद्धेश्यीय सामुदायिक सिकाई केन्द्रको आयोजनामा उनीहरूलाई पर्यटक गाइड, होमस्टे तथा होटल व्यवस्थापन र हाउस किपिङ सम्बन्धी तालिम दिइएको हो।

तालिम कार्यक्रमलाई सम्बोधन गर्दै सामाजिक अभियन्ता प्रकाश गुरुङ।

केन्द्रका अध्यक्ष प्रकाश गुरुङकाअनुसार तालिम फलदायी बन्यो। यहि असार ३० र ३१ गते दुई दिन विज्ञहरू शेषकान्त शर्मा, उदय सुवेदी र सुनिलकुमार ढकालले तालिम दिएका हुन्।

मादी गाउँपालिकाकी उपाध्यक्ष कल्पना गुरुङको प्रमुख आतिथ्यतामा तालिम शुभारम्भ गरिएको थियो। उक्त अबसरमा मादी गाउँपालिका–२ का वडाध्यक्ष भोजबहादुर गुरुङ र कार्यपालिका सदस्य पूर्णशोभा गुरुङले पनि ताङतिङको भबिश्य उज्यालो भएको टिप्पणी गरेका थिए। ।

ताङतिङबाट देखिएका हिमालहरू।

गुरुङ बाहुल्य ताङतिङ ग्रामीण पर्यटनको नमुना गन्तव्य बनेको छ। गाउँका १५ घरमा सामुदायिक होमस्टे सुविधा छ। त्यसैगरी ताङतिङ, नौचुडाँडा र क्रपुडाँडामा गरी १३ ओटा होटल सञ्चालनमा छन्।

गाउँका अगुवाको साथमा पर्यटनविज्ञहरू।

कम्तिमा एक रात ताङतिङ र एक रात क्रपुडाँडामा बसेर घुमफिर गर्नु बेस हुन्छ। पोखराबाट २१ किलोमिटर दूरीमा पर्दछ ताङतिङ। गाउँसम्मै जिप, बस र मोटरबाइकमा जान सकिन्छ।