‘रुखमा ठोक्किएर’ हेलिकप्टर दुर्घटना भएको प्रहरीको प्रारम्भिक निष्कर्ष, ५ जनाको मृत्यु

विविध

गृहपृष्ठ
विविध
‘रुखमा ठोक्किएर’ हेलिकप्टर दुर्घटना भएको प्रहरीको प्रारम्भिक निष्कर्ष, ५ जनाको मृत्यु

‘रुखमा ठोक्किएर’ हेलिकप्टर दुर्घटना भएको प्रहरीको प्रारम्भिक निष्कर्ष, ५ जनाको मृत्यु

मंगलबार, असार २६, २०८० एभरेष्ट पेडिया

काठमाडौँ। मनाङ एयरको हेलिकप्टर सोलुखुम्बुको लिखुपिके गाउँपालिकामा दुर्घटना ग्रस्त अवस्थामा भेटिएको छ। लिखुपिके गाउँपालिका–५ स्थित लम्जुराडाँडामा दुर्घटना भएको पुष्टि भएको कोशी प्रदेश प्रहरी कार्यालयले जनाएको हो।

सोलुबाट कठमाडौँका लागि उडेको हेलिकप्टर ‘रुखमा ठोक्किएर’ दुर्घटना भएको प्रहरीको प्रारम्भिक अनुसन्धानको निष्कर्ष छ।

मनाङ एयरको ९–एन–एमभी कलसाइन भएको हेलिकप्टर दुर्घटना स्थलमा प्रहरीका असई रिाजन बस्नेत नेतृत्वको टिम पुगेको छ। दुर्घटनास्थलमा ५ जनाको शव फेला परेको प्रहरीले जनाएको छ।
शव जलेको अवस्थामा भेटिएको छ। हेलिकप्टरमा सवार एकजनाको अवस्था अज्ञात छ। हेलिकप्टरमा ५ जना मेक्सिकन नागरिक सहित १ जना नेपाली चालक सवार रहेका थिए।

प्रकाशित मिति: मंगलबार, असार २६, २०८० १४:१५

प्रतिक्रिया दिनुहोस्