काठमाडौं। महिलाहरुलाई लक्षित गरि काठमाडौंमा आयोजना गरिएको ट्रेकिङ गाइडको तालिमा १ सय १२ जना महिलाहरु सहभागी भएका छन्।
नेपाल पर्यटन बोर्ड र संयुक्त राष्ट्रसंघीय विकास कार्यक्रम युएनडिपीद्वारा संयुक्त रुपमा सञ्चालित परियोजना जिविकोपार्जनका पुनःउत्थानका लागि दिगो पर्यटन परियोजना (एसटिएलआरपी) को सहयोग तथा नेपाल पर्वतारोहण प्रशिक्षण प्रतिष्ठान (एनएमए) सँगको सहकार्यमा ३५ दिने निःशुल्क तालिम सम्पन्न भएको हो।
तालिमको समापनपछि आयोजित प्रमाणपत्र तथा ट्रेकिङ गाइड स्रोत पुस्तिकाको विमोचन गर्दै नेपाल पर्यटन बोर्डका कार्यकारी प्रमुख तथा परियोजनाका राष्ट्रिय निर्देशक डा. धनन्जय रेग्मीले पर्यटन क्षेत्रमा भएको जनशक्ति अभाव कम गर्न तालीमले सहयोग गर्ने विश्वास व्यक्त गरे।
‘पर्यटनमा यसैपनि दक्ष जनशक्ति अभाव छ। त्यसमा पनि महिला सहभागिता झनै कम छ। यो अवस्थामा महिलाहरूलाई तालिम दिन सकिए यो दीगो हुनको साथै पर्यटन क्षेत्रमा महिला सहभागिता समेत बढ्ने अपेक्षा हामीले गरेका छौं। साथै यसले रोजगारीको अवसर मिल्नुका साथै स्वरोजगार समेत सिर्जना हुनेछ’ उनले भने।
यस्तै, युएनडीपी नेपालका पोर्टफोलियो म्यानेजर कल्पना सरकारले तालिमले पर्यटन क्षेत्रमा महीला सहभागिता अभिवृद्धि हुने बताइन्।
साथै, आगामी दिनमा पनि बोर्डसँगको सहकार्यमा यस्ता तालिम सञ्चालन गर्न सकिने बताइन्।
सो अवसरमा नेपाल पर्यटन बोर्डका निर्देशक तथा परियोजनाका राष्ट्रिय कार्यक्रम संयोजक मणिराज लामिछानेले तालिमलाई व्यवहारिक बनाउन सैद्धान्तिक तथा व्यवहारिक कक्षाहरू सञ्चालन गरिएको जानकारी दिए।
यस्तै, नेपाल पर्वतारोहण प्रशिक्षण प्रतिष्ठान (एनएमए) का कार्यकारी निर्देशक रूद्रप्रसाद चापागाइले यो तालिमले पर्यटनमा महिला सहभागिता बढाउनुको साथै रोजगारीमा समेत योगदान पुग्ने अपेक्षा गरिएको बताए।
देशैभरीबाट सहभागिताको लागि आव्हन गरी तालिम सञ्चालन गर्न खोजिएकोमा तालिममा सहभागि हुन चाहनेहरूको संख्या धेरै भएपछि अन्तवार्ताको माध्यमबाट सहभागी छनोट गरी दुई चरण गरी तालिम सम्पन्न गरिएको जीविकोपार्जन पुनःउत्थानका लागि दीगो पर्यटन परियोजना (एसटीएलआरपी) का जिविकोपार्जनविज्ञ धर्म दवाडीले जानकारी दिए।
देशभरका २५ जिल्ला बाट १ सय १२ जना प्रशिक्षार्थीहरूको सहभागी थिए।
-1732438228.jpg)
-1732276981.jpeg)
-1732438228.jpg)
-1730958297.jpg)
-1729861408.jpg)
-1729854900.jpg)
-1719658788.jpg)